Mae Alan Hopkins yn perthyn i'r drydedd genhedlaeth o fodurwyr a ddechreuodd wasanaethu'r gymuned leol yn Garej Ty Gwyn dros 60 mlynedd yn ol. Dechreuodd John E Hopkins (tadcu Alan) drwy drwsio peiriannau amaethyddol a gwneud gwaith weldio ar y safIe lle mae'r gweithdy a’r orsaf MOT presennol yn ystod y rhyfel yn 1944. Roedd yn adnabyddus i bobl y sir am ei sgiliau weldio. Yn ystod y blynyddoedd cynnar roedd yn gwerthu ac yn trwsio beiciau Elswick.

Ym 1958, agorodd orsaf betrol a rhai blynyddoedd yn ddiweddarach, gyda chyrmorth ei fab, cafodd y busnes ei chymeradwyo fel gorsaf MOT. Ym 1969, priododd Ceredig (tad Alan) â Tegwen ac am yr ugain mlynedd nesaf roedd y prif bwyslais ar roi gwasanaethau i gerbydau a'u trwsio dan y drefn MOT. Gadawodd Alan yr ysgol ym 1986 a gwnaeth ei brentisiaeth yn Gravells, Cydweli tra hefyd yn mynychu Coleg Trydyddol Pibwrlwyd, Caerfyrddin. Bedair blynedd yn diweddarach, ymunodd Alan â’r busnes teuluol ac yn fuan wedyn, prynwyd Garej Dragon, Llanon, a oedd yn gaffaeliad rhagorol i'r busnes presennol fel safle a oedd ar y brif ffordd (A487) ac felly'n ddelfrydol ar gyfer gwerthu ceir ail law.

Codwyd adeilad newydd yn Ty Gwyn yn y flwyddyn 2000 sy'n cynnwys lIe ar gyfer gwasanaethu tri char a chyfleusterau MOT lle gellir profi dosbarthiadau 1, 2, 3, 4, a 7. Caiff yr holl waith paratoi, trwsio a gwasanaethu ei wneud bellach ar y safle newydd yma tra bod Garej Dragon yn Llanon yn ffenestr siop ar gyfer gwerthu cerbydau.

Ym 2001, priododd Alan â Carey, sydd hefyd yn chwarae rhan flaenllaw yn y busnes ar yr ochr weinyddol, tra hefyd yn magu tri phlentyn ifanc - Trystan, Meleri a Steffan.

Mae Alan yn treulio cymaint o amser â phosib yn y gweithdy yn trwsio ac yn gwasanaethu ceir ac mae'n credu mai'r allwedd i fusnes hir a llwyddiannus yw'r gwasanaeth gonest y mae eu cwsmeriaid wedi'i derbyn ganddynt ers bron i 70 mlynedd .

Change Postcode (from SA44 4XJ)

New Postcode:
This postcode is used to calculate distances of vehicles from you and to provide you with local content.

Wheels Near U - Cars For Sale

Alan Hopkins Car Sales Ltd